Македонската претседателка Гордана Силјановска-Давкова, го пречека албанскиот колега Бајрам Бегај, кој пристигна во официјална посета.

На свечена церемонија во претседателската вила „Водно“ со највисоки државни и воени почести претседателката Сиљановска-Давкова го пречека албанскиот претседател Бајрам Бегај.

Претседателите одржаа тет-а-тет средба, по што следуваше пленарен состанок на македонската и на албанската делегација.

Во фокусот на разговорите беа севкупните билатерални односи, кои се традиционално пријателски и партнерски, како и можностите за нивно понатамошно продлабочување во повеќе сфери од заемен интерес.

Соговорниците разменија мислења за европските аспирации на двете држави, соработката во рамките на НАТО-алијансата и актуелната безбедносна состојба на европскиот континент, како и за соработката во рамки на регионалните иницијативи.

Беше изразена подготвеност за натамошно унапредување на политичкиот дијалог и институционалната соработка, во интерес на граѓаните на двете држави.