Зеленски: Украина е подготвена брзо да се движи кон достоен мировен договор
Дали ќе има последици за Русија поради фактот што шахидите, ракетите и приказните за историски теми им се поважни од вистинската дипломатија и трајниот мир, рече Зеленски во видео обраќање.
Претседателот на Украина, Володимир Зеленски, денес по новата рунда трилатерални мировни преговори со учество на претставници на Украина, САД и Русија, изјави дека Киев е решен да ја заврши војната и дека прашањето е што сакаат Русите.
„Украина е подготвена. Не ни треба војна. Ние ја браниме нашата земја, нашата независност. Исто така, подготвени сме брзо да се движиме кон достоен договор за завршување на војната. Прашањето е само за Русите - што сакаат тие. Исто така, дали ќе има последици за Русија поради фактот што шахидите, ракетите и приказните за историски теми им се поважни од вистинската дипломатија и трајниот мир“, рече Зеленски во видео обраќање.
Според него, дури и на денот кога започна нова рунда преговори во Женева, Русија одговори со удар.
„Ова многу јасно покажува што сака Русија и кон што се стреми. Имаше речиси 400 дронови повеќе. Поради гранатирањето, денес цел ден се одвиваа работите за реконструкција во Одеса. Луѓето останаа без греење и вода. Наредив да се обезбеди целата потребна поддршка за Одеса и да се забрза реконструкцијата“, рече тој.
Денес, во Женева заврши првиот ден од новата рунда трилатерални преговори со учество на претставници на Украина, САД и Русија.
Претседателот на САД, Доналд Трамп, пред овие разговори, изјави дека Украина треба „што е можно поскоро да седне на преговарачката маса“.