Најмалку четири лица биле убиени кога Израел извршил воздушен напад врз јужен Либан рано во среда, објави официјалната Национална новинска агенција на Либан.

Воздушниот напад бил насочен кон зграда во областа Џал ал-Бар во близина на болницата Хирам, при што загинаале четири лица, според новинската агенција.

Неколку други напади биле насочени кон позиција што им припаѓала на медицински лица од здравствената установа во градот Шакра, при што неколку лица биле повредени.

Артилериско гранатирање, исто така, ги погоди областите Хание и Мансури.

Новинската агенција, исто така, објави воздушни напади врз градовите Хадата, Раб Талатин, областа Абасија, Кафра и Џмејџме.

Нападите се случија неколку часа откако американскиот претседател Доналд Трамп објави во вторникот дека се согласува „да го суспендира бомбардирањето и нападот врз Иран за период од две недели“.

Сепак, канцеларијата на Нетанјаху соопшти дека двонеделното примирје „не го вклучува Либан“.

Хезболах, пак, соопшти дека ќе го почитува примирјето.

Либан беше вовлечен во војната на Блискиот Исток на 2 март, кога Израел и САД започнаа војна против Иран, убивајќи го неговиот врховен лидер Али Хамнеи, предизвикувајќи ја шиитската група Хезболах, поврзана со Техеран, да испука ракети врз израелски позиции.

Оттогаш, Израел ги интензивираше нападите врз Либан и ја прошири својата инвазија на југот на земјата, убивајќи речиси 1.500 луѓе во Либан и раселејќи над 1 милион.

Над 4.500 луѓе беа повредени и во израелските напади, според либанските власти.