Руското Министерство за одбрана во среда соопшти дека еден од неговите воени авиони се урна над Кримскиот полуостров, при што загинаа 29 лица.

Министерството во соопштението наведува дека во авионот имало 23 патници и шест членови на екипажот.

„За време на планираниот лет над Кримскиот полуостров на 31 март околу 18 часот по московско време, комуникацијата со воениот транспортен авион Ан-26 беше изгубена“, се вели во соопштението.

Екипа за пребарување и спасување го лоцирала местото на падот на Ан-26, но никој не преживеал.

„Комисија на министерството работи на местото на несреќата. Не се пронајдени докази за надворешно влијание врз авионот, а прелиминарната причина за инцидентот е техничка дефект“, соопшти министерството.