Туркије ги отфрла тврдењата на индиски медиуми дека е поврзана со терористички акти во Њу Делхи

Туркије ги отфрли обвинувањата во некои индиски медиуми кои тврдат дека Анкара е поврзана со терористичките напади во Индија.

„Намерните извештаи во одредени индиски медиуми кои тврдат дека Туркије е поврзана со терористички акти во Индија и обезбедува логистичка, дипломатска и финансиска поддршка на терористичките групи се дел од злонамерна кампања за дезинформации насочена кон оштетување на билатералните односи меѓу двете земји“, соопшти Центарот за борба против дезинформации (ДMM) на Туркије на турската платформа за социјални медиуми НСосијал (NSosyal) во среда.

Повторувајќи го отфрлањето на секаков тероризам од страна на Анкара, каде и да е и од кој и да е извршен, ДMM соопшти дека Туркије ги предводи глобалните антитерористички напори преку меѓународна соработка.

Во овој поглед, Анкара „активно“ ја поддржува Глобалната стратегија на ОН за борба против тероризмот и игра клучна улога во обликувањето на политиките на НАТО за борба против тероризмот, се наведува во соопштението.

„Тврдењето дека Туркије се вклучува во активности за радикализација насочени кон Индија или која било друга земја е чисто дезинформативно и нема никаква фактичка основа“, додадоа од ДММ.

„Ваквите неосновани и манипулативни извештаи насочени кон Туркије имаат за цел да ги поткопаат напорите на земјата за глобална безбедност, стабилност и мир“, се наведува во соопштението, во кое се повикува јавноста да не им дава никаква доверба на тие обвинувања.