Американскиот претседател Доналд Трамп потпиша проглас со кој се прилагодуваат царините за увоз на челик, алуминиум и бакар, се вели во соопштението на Белата куќа.

„Прогласот ги прилагодува тарифите за земјоделска опрема, како што се комбајни и жнеалки, како и одредена друга опрема, од 25% на 15%“, се вели во соопштението.

Исто така, „се проширува постојната категорија на индустриска опрема што подлежи на царина од 15% за да вклучи мобилна индустриска опрема, како што се булдожери и виљушкари, кога се увезува од земји од трговскиот договор што имаат право на таков третман“.

Наредбата, исто така, „ги охрабрува странските компании да користат повеќе американски челик и алуминиум, дозволувајќи им да се квалификуваат за стапка на царина од 10% ако нивната капитална опрема вклучува најмалку 85% стопен и излеан или стопен и леан челик или алуминиум од САД по тежина“.

Овие тарифни промени се привремени и ќе траат до 31 декември 2027 година „за да се поттикнат краткорочни инвестиции што ќе ја обноват индустриската база на нацијата“, се додава во соопштението.