Руската Федерална служба за безбедност (ФСБ) во среда соопшти дека Павел Дуров, основачот на Телеграм месинџер, е обвинет во Русија за помагање на терористички активности.

ФСБ во соопштението соопшти дека е започната постапката за негово ставање на меѓународната барана листа.

„Шефот на администрацијата на Телеграм, Павел Дуров, е обвинет како дел од кривична истрага според член 205.1, дел 1.1 од рускиот Кривичен законик (помагање на терористички активности). Тој е ставен на меѓународната листа за барани лица“, соопшти ФСБ.

Во соопштението се вели дека „прекршувајќи го руското законодавство, администрацијата на Телеграм не отстранила бројни канали, разговори и ботови на овој месинџер кои активно ги користат украинските специјални служби, терористички и екстремистички организации за подготовка и координирање на саботажи и терористички акти, масовни убиства и активности за сајбер измами во Русија“.

Додаде дека „овие активности резултираа со бројни жртви, вклучувајќи жени и деца, како и милијарди долари материјална штета“.

Телеграм беше строго ограничен и ефикасно блокиран во Русија од 2018 до 2020 година. На почетокот на 2026 година, локалните медиуми објавија дека владата планира повторно да ја блокира платформата за пораки. Околу 65 милиони луѓе во Русија го користат Телеграм секојдневно.