Француската фудбалска репрезентација е првиот полуфиналист на Светското првенство, откако во четвртфиналниот натпревар одигран во Бостон, актуелниот светски вицешампион го победи Мароко со 2:0 (0-0).

Ова беше реприза на полуфиналето од минатото Светско првенство во Катар, кога Франција исто така славеше со идентични 2:0, но овој пат Французите ги издоминираа противниците со голови во второто полувреме. Килијан Мбапе мајсторски погоди за 1:0 во 60. минута, додека во 66. минута веќе беше 2:0 по голот на Усман Дембеле.

Мароканците бараа од судијата да го поништи голот на Мбабе, кој од аголот на шеснаестерецот неодбранливо биеше во голот на Боно, поради игра со рака на еден од Французите претходно во акцијата. Сепак, немаше проверка од ВАР собата и голот беше признат.

Мбапе го постигна својот осми гол на ова првенство и е израмнет со Лионел Меси на врвот на листата на стрелци. Мбапе стигна и до 20-тиот гол во кариерата на Светските првенства, додека лидерот Меси моментално има 21 гол.

Франција не успеа да поведе по првото полувреме, имено, нивното водство го спречи мароканскиот голман Боно, кој го одбрани пеналот на Мбапе во 28. минута.

Во полуфиналето, Франција го чека победникот од четвртфиналниот натпревар помеѓу Шпанија и Белгија, кој е закажан за петок во Лос Анџелес, со почеток во 21 часот по средноевропско време.