Вчерашните натпревари од петтото коло во групите „Ц“ и „Д“ ја заокружија групната фаза на Европското првенство во кошарка, која беше обележана со елиминацијата на бранителот на титулата Шпанија, очекуваните добри игри на Туркије, Србија, Германија, Грција, Франција и борбените игри и подвизи на репрезентациите на Босна и Херцеговина и Португалија.

Во осминафиналето на Евробаскетот во Рига, Латвија, ќе се играат дуелите меѓу Туркије-Шведска, Германија-Португалија, Литванија-Литванија, Србија-Финска, Босна и Херцеговина-Полска, Италија-Словенија, Франција-Грузија и Грција-Израел.

Словенија го победи Израел со 106:96 во натпреварот од Групата Д во четврток, а Лука Дончиќ повторно одигра брилијантно со 27 поени, 11 скока и девет асистенции.

Французите беа за класа подобри од Исланѓаните со неверојатни 114:74, а за силата на „триколорите“ сведочи фактот дека девет кошаркари имаа двоцифрен број поени. Полска претрпе пораз од Белгија во оваа група (69:70), но претходно обезбеди место во следната рунда.

Босанските кошаркари ја победија Грузија со 84:76 и по повеќе од две децении, изборија место меѓу првите 16 во Европа. Во истата Група Ц, Италија беше пресилна за домаќините и аутсајдерите Кипар и ги победи со 89:54.

Грција ја победи Шпанија со 90:86, со што го прекина настапот на Шпанија како актуелен европски шампион. Кај Грците се врати Јанис Антетокумпо, кој имаше 25 поени, 14 скока и девет асистенции.

Натпреварите од осминафиналето на Евробаскетот се закажани за следниот викенд, а големото финале е закажано за 14 септември.