Американскиот претседател Доналд Трамп денеска изјави дека рускиот претседател Владимир Путин „нема да нападне територија на НАТО.

На прашањето во Овалната соба дали Путин се согласил или се обврзал да не нападне територија на НАТО, Трамп рече: „Имав добри разговори со него. Тој нема да нападне територија на НАТО“.

На прашањето дали сака да ја предупреди Русија да не напаѓа територија на НАТО, Трамп рече: „Не сакам да коментирам за тоа, но тие нема да нападнат“.

Директорот на ЦИА, Џон Ратклиф, неодамна се сретна со руски претставници во Москва, а некои извештаи тврдат дека тој ја предупредил Москва да не го ескалира конфликтот со сојузниците на САД во НАТО поради нивната поддршка за Украина.

На Трамп му беше поставено прашање дали Вашингтон ќе го „казни“ Путин или Русија ако Москва продолжи да работи со Иран и покрај предупредувањата од САД.

„Зависи. Зависи“, рече Трамп.

„Досега, мислам дека Русија се однесуваше доста добро во однос на Ормутскиот теснец“.

Трамп ги негираше извештаите дека Ратклиф отпатувал во Москва за да ја предупреди Русија да не напаѓа територија на НАТО.

Според „Аксиос“, Трамп ја окарактеризирал средбата на Ратклиф со шефот на руската Служба за надворешно разузнавање, Сергеј Наришкин, како „стандардна работа“.

„Ратклиф се среќава со својот руски колега еднаш на секои шест месеци или еднаш годишно. Тие имаат многу добри односи. Немаше никаква порака и немаше ништо необично“, рече Трамп.