Додик му порача на Руте дека ја почитува неговата изјава, но не може да ја прифати пресудата

Претседател на босанско-херцеговскиот ентитет Република Српска, Милорад Додик му пореча на генералниот секретар на НАТО Марк Руте дека ја почитува неговата изјава дека Претседателството на БиХ треба да преземе одговорност за земјата и смета дека тоа е „важен повик сите процеси да се вратат во рамките на домашниот дијалог и политичкиот договор“.

„Но драг господине Руте, невозможно е да се прифати пресуда која не е резултат на законодавниот процес на избраните народни претставници, туку политичка одлука на неизбран странец- среде Европа“, напиша Додик на платформата Х.

Додик изјави дека „тешко е да се зборува за независно судство кога судот во кој се води постапка против него е полн со судии и обвинители против кои се водат постапки за корупција и соработка со криминални групи“.

„Има повеќе обвиненија против тој суд и обвинителството, отколку што тој процесуира вистинското кривично дело“, рече Додик како одговор на вчерашната изјава на Руте дека очекува претседателот на Република Српска да ги почитува судските одлуки.

Тој посочи дека кризата во БиХ настана затоа што „судството се користи како политичка алатка и затоа што се прават обиди волјата на народот да се замени со волјата на поединци“.

„БиХ може да оди напред само преку договор. И договор не се прави под притисок, туку преку взаемно почитување“, тврди Додик.

Политичката криза во Босна и Херцеговина уследи откако Судот на Босна и Херцеговина го осуди Додик на една година затвор и шестгодишна забрана за вршење на должностите претседател на ентитет, поради „непочитување на одлуките на високиот претставник на Босна и Херцеговина“.

Обвинителството на БиХ тогаш издаде налог за апсење на Додик, како и на премиерот на РС Радован Вишковиќ и Ненад Стевандиќ, шеф на Собранието на ентитетот. 

Тие се осомничени за кривично дело „напад врз уставниот поредок“ откако Народното собрание на РС го усвои, а Додик го потпиша указот за објавување на законот за забрана за работа на државните судски и безбедносни институции во Босна и Херцеговина. ентитет.

Судот на БиХ го прифати предлогот на Државното обвинителство за распишување меѓународна потерница за Додик и Стевандиќ, но Интерпол не распиша меѓународна потерница.

Додик вчера рече дека одлуката на Интерпол да не распиша меѓународна потерница по него е „точна“ бидејќи неговиот случај се однесува на „политички прогон“.