Турскиот претседател Реџеп Таип Ердоган и Абдел Фатах ал-Бурхан, претседател на Советот за суверенитет на Судан, денеска во Анкара разговараа за билатералните односи, како и за регионалните прашања.
Ердоган рече дека Анкара продолжува со своите напори за запирање на крвопролевањето во Судан, соопшти Турската дирекција за комуникации на турската платформа за социјални медиуми NSosyal.
Ердоган нагласи дека се вложуваат напори за развој на односите меѓу Турција и Судан во многу области, особено во трговијата, земјоделството, енергетиката и одбраната.
