Извештајот на Шпанската цивилна гарда за железничката несреќа кај Адамуз во Кордоба заклучи дека системите за следење регистрирале индикатори за можно распукнување на шините речиси 22 часа пред несреќата, но без да активираат автоматско предупредување за да се спречи трагедијата во која загинаа 46 лица во јануари.

Во извештајот се наведува дека на 17 јануари во 21:46 часот, непосредно пред несреќата, системот за помош при одржување САМ открил пад на електричниот напон на брзата железница Мадрид-Севиља, пренесува РТВE.

Иако таков инцидент е предупредување дека шината е скршена, на пругата не бил активиран автоматски аларм.

Добавувачот на овој систем за предупредување, компанијата Хитачи Раил (Hitachi Rail), веќе предупреди дека сигурноста на откривањето на прекини на таа линија е на ниско ниво поради „електричната конфигурација“.

Системот СAM генерира аларм само ако напонот падне под „прагот на поплнетост поставен на 0,780 волти“, а во случајот на Адамуз, системот регистрирал ненадеен пад на напонот на 17 јануари, но бидејќи остана над предвиденото ниво, алармот не се вклучил.

Истрагата дефинитивно ги отфрли саботажите, тероризмот и каква било небрежност или невнимание на машиновозачот и укажува на неправилности во техничката документација поврзана со заварувањето на шините.

Во железничката несреќа во Адамуз на 18 јануари, откако брз воз излета од шините и се судри со воз што доаѓал од спротивната насока, загинаа 46 лица.