Кувајтски ловец по грешка ги соборил трите американски авиони Ф-15 во неделата, според луѓе запознаени со ова прашање, во она што се чини дека е инцидент со пријателски оган за време на тековните операции на Блискиот Исток, објави Вал Стрит Журнал во вторник.

Според извештајот, кувајтски Ф/A-18 испалил три ракети кои ги погодиле американските авиони, повикувајќи се на анонимен американски извор.

Централната команда на САД (ЦEНТЦOM) соопшти дека трите Ф-15E Страјк Иглс, кои ја поддржувале мисијата, „биле по грешка соборени од кувајтската воздушна одбрана“ во „очигледен пријателски оган“.

Сите шест члена на екипажите безбедно се катапултирале и се извлечени во стабилна состојба.

Инцидентот наводно се случил кратко откако ирански дрон погодил центар за тактички операции во кувајтско трговско пристаниште, изјавил за весникот друго лице запознаено со прашањето.

Изворот додал дека кувајтските сили биле во состојба на готовност кога нивниот радар детектирал американски авиони како летаат и ги нападнал испукувајќи ракети кон нив.

САД и Израел започнаа напади врз Иран во саботата, при што загинаа неколку високи функционери, вклучувајќи го и врховниот лидер ајатолахот Али Хамнеи.

Техеран одговори со напади со беспилотни летала и ракети насочени кон неколку земји од Заливот, главно американски воени бази во регионот.

Шестмина американски војници биле убиени, а неколку други се ранети во ирански напад врз центар за тактички операции во Кувајт за време на операцијата, соопшти ЦЕНТКОМ.