Русија останува посветена на своите договори за гас со Србија, изјави рускиот министер за надворешни работи Сергеј Лавров, по средбата со Александар Вулин претседател на надзорниот одбор на „Србијагас“ и поранешен вицепремиер во српската влада.

„Целосно сме посветени на сите договори што сме ги имале и што продолжуваме да ги имаме. Се надеваме дека новата влада ќе обезбеди континуитет на стратешкото партнерство со Руската Федерација“, рече Лавров.

На средбата, исто така, беше истакнато дека се во тек преговори во врска со продолжувањето на испораките на гас и склучувањето на нов долгорочен договор.

На 30 септември, руската компанија „Гаспром“ го продолжи договорот за гас со Србија за три месеци – до крајот на годината – под истите поволни услови што важеа и претходно.