Турскиот претседател Реџеп Таип Ердоган телефонски разговараше со американскиот претседател Доналд Трамп за билатералните односи, како и за регионалните и глобалните случувања, соопшти Директоратот за комуникации на Туркије.

Според соопштението, Ердоган му рекол на Трамп дека е „важно“ максимално да се користи дипломатијата во услови на тензиите меѓу Иран и САД, изразувајќи надеж дека преговорите ќе продолжат и наведувајќи дека Туркије ќе продолжи да ги поддржува мировните напори.

Турскиот претседател истакна дека Договорот за заедничка одбрана од Мека, потпишан претходно овој месец меѓу Туркије, Пакистан и Саудиска Арабија, „покажува цврст став во обезбедувањето регионална стабилност и безбедност“.

„Во однос на Газа, Ердоган рече дека во време кога целта е преминување кон втората фаза од мировниот процес, дошло до зголемување на активностите на израелската Влада насочени кон Палестинците“, се додава во соопштението.

„Туркије ќе продолжи да поддржува траен мир во регионот и чекорите за обнова на Газа“, изјави Ердоган, стои во соопштението.