Двајца Палестинци се убиени, а уште еден е ранет откако нелегалните израелски доселеници отвориле оган за време на нападот доцна во неделата врз селото Деир Џарир во близина на Рамалах на окупираниот Западен Брег, според палестинските официјални лица.

Палестинското Министерство за здравство ги идентификуваше жртвите како Авда Абдул Рахим Авда Фарахна(53), и Ахмед Адел Рашид Абу Мух(26), велејќи дека биле убиени од израелско оружје.

Претходно, Палестинското друштво на Црвената полумесечина соопшти дека нивните екипи пренеле критично повреден маж со прострелна рана во стомакот во болница по нападот, додавајќи дека медицинските лица извршиле кардиопулмонална реанимација додека го префрлале.

Подоцна соопштија дека друг маж бил однесен во болница со прострелна рана во коленото, пред да објават дека нивните екипи изведуваат кардиопулмонална реанимација на трета жртва(55), за време на неговиот трансфер во болницата.

Зголемен број на израелски напади врз Палестинците

Официјалната палестинска новинска агенција, Вафа, соопшти дека градовите и селата низ губернацијата Рамалах и Ал-Бирех се сведоци на пораст на нападите од страна на нелегални израелски доселеници врз Палестинците и нивниот имот, вклучувајќи физички напади, напади со боева муниција, палежи и напади врз земјоделско земјиште под заштита на израелската армија.

Израелската армија и нелегалните доселеници ги интензивираа своите напади во окупираниот Западен Брег од почетокот на геноцидот во Газа во октомври 2023 година, при што загинаа најмалку 1.181 Палестинец, беа повредени 13.000 и беа уапсени речиси 24.000, според официјалните палестински бројки.