Делегации на САД и Украина денеска се сретнаа во саудискиот град Џеда за да разговараат за изгледите за можен мировен договор со Русија.

Според саудискиот телевизиски канал Ал Арабија, на разговорите присуствуваат американскиот државен секретар Марко Рубио и украинскиот министер за надворешни работи Андриј Сибиха, во присуство на саудискиот министер за надворешни работи принцот Фајсал бин Фархан.

Се очекува Украина да предложи план за делумен прекин на огнот со Русија, со цел повторно да ја добие поддршката од Вашингтон, изјави истиот извор.

Разговорите имаат за цел зајакнување на американско-украинските односи по неколкунеделни тензии, вклучително и судирот во Белата куќа минатиот месец меѓу украинскиот претседател Володимир Зеленски и американскиот претседател Доналд Трамп.

Трамп во неделата рече дека САД очекуваат Украина да покаже подготвеност да продолжи со мирот.

„Ќе направиме многу напредок“, додаде тој.

Зеленски во понеделникот на Телеграм  напиша дека Украина отсекогаш барала мир од почетокот на војната, што укажува дека Русија е единствената причина зошто војната сè уште трае.

 Русија на 24 февруари 2022 година почна воена офанзива против Украина. 

Москва бара од Киев да се откаже од аспирациите за приклучување кон западните воени сојузи како услов за мир, што Украина го гледа како „мешање“ во нејзиниот суверенитет.