Дуелите од групната фаза на Лигата на шампионите на УЕФА одиграни во среда донесоа интересни натпревари во кои ПСЖ победи против Аталанта, Баерн против Челзи, а Ливерпул ја заврши драмата на Енфилд со победа во судиското продолжение против Атлетико.

На Енфилд, силите ги одмерија Ливерпул и Атлетико Мадрид, а домашниот тим фуриозно влезе во мечот и поведе со 2:0 по само шест минути.

Домашните навивачи се кренаа на нозе веќе во четвртата минута по слободниот удар изведен од Мохамед Салах. Египќанецот шутираше, топката се одби од Ендру Робертсон и заврши зад Јан Облак.

Не требаше долго време за нови возбудувања, со оглед на тоа што Салах ја погоди мрежата за 2:0 по одличен соло продор.

Домашните доминираа во првиот дел од натпреварот, но во третата минута од судиското продолжение, Маркос Љоренте го врати Атлетико во игра.

И во второто полувреме доминираше Ливерпул, Салах погоди статива, а неговите соиграчи промашија неколку зицери, но во 81. минута Љоренте израмни за гостите со својот втор гол. Домаќините не се предадоа, па во втората минута од судиското продолжение, Вирџил ван Дајк со глава постигна гол за конечни 3:2 за Ливерпул.

Во второто дерби на вечерта одиграно на „Алијанц Арена“ во Минхен, Баерн го победи Челзи со 3:1.

Првото големо возбудување се случи во 20. минута кога Михаел Олисе се проби по десната страна, центаршутираше во шеснаесетникот, а Трево Чалоба не се снајде добро и ја испрати топката во сопствената мрежа.

Нови проблеми за „сините“ се случија во 25-та минута кога Мојсес Каиседо го собори Хари Кејн во шеснаесетникот, а судијата покажа на пенал. Кејн беше тој што ја презеде одговорноста и ја испрати топката зад Роберто Санчез.

Одличната фудбалска претстава ја продолжи Кол Палмер, кој ја врати надежта во Челзи со гол во 29. минута.

Сепак, во 63. сите надежи на „сините“ ги урна Хари Кејн со гол за 3:1 по голема грешка на одбраната на Челзи.

Актуелниот шампион ПСЖ ја пречека Аталанта на домашен терен, а домашниот тим поведе по само три минути. Стрелец беше Маркињос.

Парижаните беа подобриот противник, доминирајќи во сите аспекти од играта, а наградата за тоа дојде во 39. минута кога Кваратскелиа го зголеми водството на 2:0.

Само шест минути од продолжението беа потребни за ПСЖ да постигне уште еден гол и да го зголеми резултатот на 3:0. Стрелец беше Нуно Мендес. Конечните 4:0 ги постави Гонсалo Рамос во судиското продолжение.

Милански Интер одигра рутинско гостување кај Ајакс. Гостите доминираа во Амстердам и го решија натпреварот на крајот од првото и почетокот на второто полувреме со идентични две акции.

Турскиот фудбалер Чалханоглу во 42. и 47. минута изведуваше корнери, а Маркус Турам двата пати беше највисок во скокот и со глава го погоди противничкиот гол за 2:0.

Во првите два натпревари од вчерашната програма во Прага Славија и норвешки Бодо Глимт одиграа 2:2, иако домашните водеа со 2:0 до 78. минута, а Олимпијакос и дебитантот Пафос одиграа натпревар без голови.

Вечерва се играат последните пет натпревари од првото коло на групната фаза од Лигата на Шампиони:

Копенхаген- Баер Леверкузен

Клуб Бриж- Монако

Њукасл- Барселона

Ајнтрахт- Галатасарај

Манчестер сити- Наполи