Од синоќа, Словачка почна да прима сирова нафта преку нафтоводот Дружба, соопшти денеска Министерството за економија на таа земја.

„Министерството за економија информира дека денес во 2 часот наутро е продолжен приемот на нафта во Словачка преку нафтоводот Дружба“, се наведува во соопштението на Министерството, како што објави Ројтерс.

Со активирањето на нафтоводот Дружба, заврши прекинот на транспортот на руска нафта до Словачка, кој траеше од крајот на јануари.

Украинските власти претходно објавија дека нафтоводот Дружба, во дел од територијата низ Украина, е оштетен од руски напади, поради што е прекинат транспортот на нафта преку него.