Бројот на жртвите при уривањето на училишна зграда во индонезиската покраина Источна Јава се искачи на 53, соопштија денес службеници за спасување.

Продолжува операцијата за пребарување на затрупаните лица, а синоќа спасувачите извлекоа осум тела од урнатините на комплексот на исламскиот интернат „Ал Хозини“ во индонезискиот град Сидоарџо, изјави Нананг Сигит, раководител на Канцеларијата за пребарување и спасување во Источна Јава.

Пронајдени се вкупно 157 лица, меѓу кои 104 преживеани и 53 жртви.

Спасувачите со помош на тешка механизација и електрична опрема сега се фокусираат на северната страна од локацијата, во делови што не се поврзани со главната зграда.

Зградата се урна на 29 септември, при што стотици луѓе останаа заробени под урнатините.