Врховниот суд на Венецуела во саботата ѝ нареди на извршната потпретседателка Делси Родригес „веднаш“ да ја преземе и извршува функцијата вршителка на должноста претседателка, откако САД го заробија претседателот Николас Мадуро и го одведоа во Њујорк.

Според весникот „Ultimas Noticias“, судот ѝ наложил на Родригес да го преземе претседателството „во строг согласност со Уставот и венецуеланските закони“.

Тања Д’Амелио, претседателка на Уставниот совет на судот, изјави дека пресудата е донесена со цел да се обезбеди „административен континуитет на државата и одбрана на нацијата“.

Судот соопшти дека Мадуро се наоѓа во „материјална и привремена неможност“ да ги извршува своите должности.

Во саботата, владата на Венецуела ги обвини САД за напади врз цивилни и воени објекти во повеќе сојузни држави и прогласи национална вонредна состојба.

Американскиот претседател Доналд Трамп подоцна го потврди нападот од „големи размери“, додавајќи дека претседателот Николас Мадуро и неговата сопруга биле „фатени и со авион депортирани од земјата“.

Нападите се случиле по повеќемесечен растечки притисок од САД врз Мадуро, кого Вашингтон го обвинува за вмешаност во трговија со дрога. Венецуелскиот лидер ги негираше овие тврдења и изрази подготвеност за разговори.