Европската комисија била цел на сајбер напади, кои нарушиле неколку системи како што се службите за пресметка на плати и евиденција на работно време и присуство, објави Политико во четврток.
Комисијата свика итен состанок на своето највисоко тело за управување со внатрешни кризи за да се справи со сајбер инцидентите, објави Политико.
Комесарот за технологија Хена Виркунен ги информираше другите комесари во среда, се додава во извештајот.
„Европската комисија ги презеде потребните мерки како одговор на откриената сајбер закана“, изјави портпаролот на Европската комисија, Томас Рење, за Политико.
„Нападот беше насочен кон поединечни системи и, во согласност со нашата вообичаена практика, ги известивме засегнатите“, додаде тој.
Центарот за сајбер безбедност (CERT-EU) откри овој месец дека меѓународните хакери ја користеле алатката за вештачка интелигенција Артекс за да идентификуваат ранливости во информациските системи.
Како резултат на тоа, неколку апликации и услуги се отстранети од мрежата како мерка на претпазливост. Пристапот сега е вратен, изјави неименуван функционер на ЕУ за Политико.
Истражителите сè уште се обидуваат да утврдат дали податоците на вработените се компромитирани.
Прекинот траеел повеќе од 10 дена. Меѓу другото, имало проблеми со платформата за човечки ресурси што управува со плати, евиденција за работно време и присуство, како и со системот за надомест на медицински трошоци.
Засегнати буле и преведувачките услуги.























