Емине Ердоган, сопруга на претседателот на Република Туркије, Реџеп Таип Ердоган, изјави дека изложбата „Турски атлас на ткаење - сеќавање на ткаенината“, отворена во седиштето на Советот на Европа во Стразбур, е вреден придонес за зачувување на културното наследство и зајакнување на дијалогот меѓу општествата.

По повод отворањето на изложбата во Франција, прочитана е порака од Емине Ердоган , која го изрази своето задоволство што проектот „Турски атлас на ткаење“ беше крунисан со изложба под покровителство на Советот на Европа.

„Исклучително е значајно што ваков вреден проект е реализиран во институција која го промовира зачувувањето на културното наследство и го поддржува дијалогот меѓу општествата“, рече таа, посакувајќи успех на изложбата.

Таа го истакна своето задоволство што изложбата ќе ја претстави вековната традиција на анадолското ткаење пред меѓународната заедница.

„Се надевам дека оваа посебна изложба, која ги отвора вратите кон илјадници години акумулирано знаење за Анадолија, мудроста на еколошкиот начин на производство и непроценливиот придонес на женската работа, ќе им понуди инспиративно искуство на сите посетители. Искрено им честитам на сите што придонесоа за изложбата“, рече Ердоган.

Проектот „Турски атлас на ткаење“, започнат во 2021 година под нејзино покровителство, за прв пат ги обединува текстилните производи од сите седум региони на Туркије, со цел знаењето за традиционалното ткаење да биде видливо на меѓународната сцена.

Изложбата, која нагласува дека ткаењето не е само продуктивна активност, туку и носител на сеќавање, идентитет и култура, може да се посети до 30 јануари.

На изложбата се претставени шарени ткаенини произведени од природни влакна и локални суровини, почитувајќи ги принципите на заштита на животната средина. Посетителите имаат можност да видат примероци од природни пигменти што се користат при боење ткаенини, како и минијатурни разбои за ткаење.

Исто така, изложени се предмети што се користат во традиционалните техники на ткаење, како што се чунки, и облека изработена од традиционални ткаенини, вклучувајќи ги ехрам и анкара софа.

По повод отворањето на изложбата, Емина Ердоган прочита порака, во која го изрази своето задоволство што вековната анадолска традиција на ткаење, со својата историска длабочина и уметничко богатство, се претставува на меѓународната заедница токму во Советот на Европа.