Специјалното обвинителство на Јужна Кореја повторно побара смртна казна за поранешниот претседател Јун Сук Јеол во повтореното судење поради неговиот обид нелегално да воведе воена состојба и да изврши државен удар за суспендирање на останатите раководни институции во државата.

Специјалниот обвинител Чо Еун-сук побара казната да биде изречена од Високиот суд во Сеул, каде што Јун се жали на неговата казна доживотен затвор.

Јун беше осуден на доживотен затвор во февруари за водење бунт преку неговиот неуспешен обид за воведување воена состојба во декември 2024 година, која траеше само неколку часа пред успешно да биде блокирана и поништена од Националното собрание.

Обвинителството првпат побараа смртна казна на почетокот на судењето.

Јун се соочува со вкупно осум судења во врска со неговиот обид за воведување воена состојба, наводната корупција на неговата сопруга и командната одговорност во воена операција која довела до смрт на еден морнарички офицер во 2023 година.

Тој беше формално отстранет од функцијата во април 2025 година откако Уставниот суд едногласно ја потврди постапката за импичмент врз основа на неговото прогласување воена состојба на 3 декември 2024 година, што доведе до предвремени претседателски избори.