Израел ги продолжува немилосрдните напади врз Газа. Во Кан Јунис во напад со дрон врз безбедна зона убиени се четири деца, а ранети се десетина други од кои повеќето малолетни, информираат медицински извори. Во друг израелски напад погодени се раселени семејства во кампот Вијдан.
САД ги прогласија Силите за брза поддршка на Судан за геноцидни, а нивниот лидер Мохамед Хамдан Дагало го ставија под санкции. Државниот секретар Антони Блинкен ги осуди систематското етничко чистење, масовните силувања и нападите врз бегалците. Во граѓанската војна која трае од 2023 година милиони се раселени, а половина од населението се соочува со глад. Во меѓувреме расте критиката од меѓународните групи кои влечат паралели со геноцидот на Израел во Газа.
Францускиот претседател Емануел Макрон трпи критики откако изјави дека африканските нации се неблагодарни за улогата на француските сили во борбата со бунтовниците во Сахел. Неговите забелешки до француските амбасадори предизвикаа обвинувања за неоколонијализам, додека односите со Западна Африка се влошуваат. Франција ги повлече силите по државните удари во Мали, Буркина Фасо и Нигер. Сенегал и Чад, кои некогаш се сметаа за сојузници на Франција сега бараат повлекување на француските сили.
Силни шумски пожари ја зафатија Калифорнија принудувајќи илјадници да се евакуираат. Ветровите ги разгореа пламените јазици кои зафатија дел од домовите, а жителите панично се евакуираа во услови на блокирани патни правци. Противпожарните служби ги активираа авионите за гасење, а булдожерите ги расчистуваат напуштените автомобили.
И за крај на денешниот блиц...
Американските истражни власти открија дека Метју Лајвсбелгер, осомничениот за бомбашкиот новогодишен напад со сајбер камионетот пред хотелот на Трамп во Вегас, го користел Чат ГПТ за собирање информации за експлозиви. Во неговиот телефон е пронајден и манифест кој на шест страни ги опишува неговите политички ставови. Тој се самоуби пред експлозијата да повреди седум луѓе.
Тоа е се за денешните блиц вести. За повеќе посетете нѐ на macedonian.trtbalkan.com