Завршија општите избори во Босна и Херцеговина, а Иран се закани дека ќе ја ескалира војната со САД

Слушате Дневни блиц вести, денес сме понеделник 5 октомври

Претседателството на БиХ ќе го водат Беќировиќ, Филиповиќ и Цвијановиќ

Според првичните резултати новото претседателство на Босна и Херцеговина ќе го предводат Денис Беќировиќ од ФБиХ, Даријана Филиповиќ од ХДЗ БиХ - ХС и Жељка Цвијановиќ од СНСД.  Гласањето со употреба на електронски скенери помина успешно и на ниту едно избирачко место не било регистрирано традиционално броење на гласовите.

Синот на Болсонаро води по првиот круг на претседателските избори во Бразил

Сенаторот Флавио Болсонаро како победник во првиот круг ќе се соочи со актуелниот претседател Лула во вториот круг за претседателските избори во Бразил на 25 октомври, откако ниту еден кандидат не го обезбеди потребното мнозинство. Флавио е син на поранешниот претседател Жаир Болсонаро осуден за вооружен бунт, додека Лула се бори за четврт претседателски мандат. 

Еден Сириец убиен во израелски воен упад во јужна Сирија

Израелската војска уби маж во јужна Сирија, во услови на повторени упади во таа област. Според соопштението на израелската војска, убиениот се обидел да влезе во една од нејзините воени позиции во рамките на безбедносната зона. Израел продолжува да ја нарушува сириската територија по падот на режимот на Башар ал-Асад.

Јемен: Над 1.700 припадници на Хутите неутрализирани во воени операции

Јеменската армија соопшти дека нејзините сили неутрализирале 1.747 припадници на Хутите во 1.122 воени операции на неколку фронта низ земјата. Операциите биле спроведени во провинциите Саада, Ал-Џауф и Таиз, како и покрај западниот брег на Јемен.

И за крај на денешниот блиц…

Иран ќе ја ескалира војната ако САД изврши копнена инвазија

Иран ќе ги нападне сите американски воени бази и американски бродови доколку Вашингтон започне копнена инвазија на земјата, предупреди висок командант на Корпусот на Исламската револуционерна гарда (ИРГК).

Тоа беше сѐ за денешните блиц вести, за повеќе информации следете нѐ на социјалните мрежи