Израелската армија продолжува со бруталните напади врз раселените и цивилите и во еден ден загинаа над 110 Палестинци. Во еден од најсмртоносните напади врз училиште кое се користело како засолниште загинаа 43 луѓе. Над 200 засолништа се нападнати од почетокот на геноцидната војна во која загинаа 94 припадници на цивилната одбрана. Во последните денови се извршени неколку масакри врз медицински работници.
Геир Педерсен специјалниот пратеник на Обединетите нации за Сирија разговараше со Ахмад ал Шара водачот на Хајат Тахрир ал Шам (ХТС), за неодамнешните случувања во Сирија. Шара ја истакнал потребата на привремената сириска влада за промена на статусот на Сирија со моменталната состојба и брза и ефикасна соработка за решавање на проблемите со кои се соочува населението.
Сменетиот јужнокорејски претседател Јун Сук Јол треба да биде сослушан од истражните органи за неговата одлука да воведе воена состојба. По постапката за импичмент Уставниот суд утврдува дали Јун може да се врати на функцијата или целосно ќе биде сменет. Специјалниот тим составен од повеќе институции бара негово приведување со сомнежи дека Јун сакал насилно да ја презеде власта.
Во сирискиот главен град Дамаск е откриена масовна гробница блузу аеродромот. Истрагата на привремената власт е насочена кон откривање на злоделата на режимот на соборениот Башар ал Асад. Исто така истрагата откри лабораторија за производство на наркотици која ја водел Махер ал Асад, брат на соборениот диктатор. По падот на Баат режимот постојано се откриваат нови лаборатории.
И за крај на денешниот блиц...
Стотина луѓе се претпоставува дека загинале како последици на рзорниот циклон Чидо во архипелагот Мајоте во Индискиот Океан колонизиран од Франција. Според француското МВР засега е тешко да се утврди точната бројка на жртви. Циклонот Чидо кој го зафати архипелагот во текот на ноќта имаше ветришта со брзина од над 200 километри на час, а притоа нанесе и огромна материјална штета.
Тоа е се за денешните блиц вести. За повеќе посетете нѐ на macedonian.trtbalkan.com