Емиратите се повлекуваат воено од Јемен, а Ердоган застана зад суверенитетот на Сомалија

Слушате Дневни блиц вести, денес сме среда 31 декември

ОАЕ објавија крај на нивното воено присуство во Јемен

Обединетите Арапски Емирати донесоа одлука да ги повлечат нивните воени сили од Јемен по одлуката на земјата за прекин на воената соработка, откако Саудиската коалиција изведе воздушни напади врз два брода укотвени во јеменско пристаниште.

Рубио разговараше со колегите од ОАЕ и Саудиска Арабија

Американскиот државен секретар Марко Рубио со министерите за надворешни работи на Обединетите Арапски Емирати и Саудиска Арабија разговараше за регионални прашања што влијаат врз безбедноста и стабилноста на Блискиот Исток, вклучително и ситуацијата во Јемен.

Тајланд ослободи 18 камбоџански војници додека трае примирјето

Тајланд ослободи 18 камбоџански војници што ги држеше заробени од јули, соопштија властите, додека прекинот на огнот меѓу двете земји продолжува да се почитува. Досега во судирите загинаа речиси 100 луѓе, меѓу кои и цивили.

Ши му порача на Путин дека Кина и Русија ќе го засилат партнерството

Кинескиот претседател Ши Џинпинг изјави дека е подготвен да „се залага за континуиран и нов напредок“ во билатералните односи со Русија. Ши ова го порача во размената на новогодишни честитки со рускиот претседател Владимир Путин.

И за крај на денешниот блиц…

Туркије го осуди израелското признавање на Сомалиленд

Турскиот претседател Реџеп Таип Ердоган ја осуди одлуката на Израел за признавање на Сомалиленд како независна држава, нарекувајќи го потегот нелегитимен и директен предизвик за територијалниот интегритет на Сомалија. Анкара цврсто го поддржува единството и суверенитетот на Сомалија.

Тоа беше сѐ за денешните блиц вести, за повеќе информации следете нѐ на социјалните мрежи