Арапските земји жестоко го отфрлија предлогот на израелскиот премиер Нетанјаху за палестинска држава на саудиска територија. Саудиска Арабија ја критикуваше идејата како диверзија од акциите на Израел во Газа, додека Арапската лига ја нарече „одвоена од реалноста“. Јордан, Египет и Обединетите Арапски Емирати ги осудија забелешките како кршење на меѓународното право.

Турскиот претседател Реџеп Таип Ердоган изјави дека ниту една сила не може да ги протера Палестинците од нивната татковина. „Палестина, вклучувајќи ги Газа, Западниот Брег и Источен Ерусалим, им припаѓа на Палестинците“, рече Ердоган. Ердоган ги отфрли американските предлози за Газа, нарекувајќи ги недостојни за дискусија.

Најмалку 25 рудари загинаа, а 13 се повредени во брутална терористичка заседа во близина на регионот Гао во Мали.  Цел на нападот бил конвој рудари под воена придружба. Во брза одмазда, силите на Мали елиминираа 19 терористи. Ниту една група не ја презеде одговорноста, но фракциите поврзани со Даеш и Ал Каеда дејствуваат во областа.

Колумбискиот претседател Густаво Петро повика на оставка на целиот кабинет пред претстојната реконструкција. Одлуката дојде по оставката на министерката за животна средина Сузана Мухамед во знак на протест поради назначувањето на Армандо Бенедети, наведувајќи загриженост. Петро вели дека промените имаат за цел подобро да го исполни мандатот на неговата администрација.

Викиликс откри шокантни детали дека САД внеле 472,6 милиони долари во мрежата Интерњус - глобална невладина организација обвинета за прикриена цензура и контрола на медиумите. Податоците покажуваат дека 87% од финансирањето потекнува од УСАИД, додека Стејт департментот на САД додал 57 милиони долари. Викиликс исто така откри дека Интерњуз, кој има врски со иницијативите на Сорос и Клинтон, обучил 9.000 новинари и поддржувал цензура на социјалните мрежи. 

Тоа е се за денешните блиц вести. За повеќе посетете нѐ на macedonian.trtbalkan.com