Трамп со порака до Иран да се предаде или да склучи договор, а Пакистан упати покана за обнова на директните разговори

Слушате Дневни блиц вести, денес сме понеделник 4 август

Трамп до Иран: Склучете договор или предадете се

Американскиот претседател Доналд Трамп остро реагираше откако Иран негираше дека преговора со САД, објавувајќи дека американската воена блокада ќе продолжи сè додека не се постигне „Договор или целосно предавање“. Трамп во текот на викендот ги откажа планираните воени напади, но Иран негира дека седнале на преговарачка маса. 

Над 65 илјади евакуирани во пожарите во Вашингтон

Повеќе од 65.000 луѓе ги напуштија своите домови во американската сојузна држава Вашингтон, бидејќи засилените шумски пожари продолжуваат да го уништуваат пределот, пришто изгореа стотици објекти. Засега нема потврдени смртни случаи.

Фидан разговараше за глобалните кризи со повеќе колеги

Министерот за надворешни работи на Туркије, Хакан Фидан, разговараше за тековните глобални кризи со неколку свои колеги за време на телефонските разговори во текот на изминатата недела. Тој разговараше со министрите за надворешни работи на Саудиска Арабија, Иран, Кувајт и Велика Британија. 

Телеграм вратен во „Еп Стор“ откако беше откриена забранета содржина

Апликацијата за пораки Телеграм накратко исчезна од апликацијата „Еп Стор“ насекаде, но оттогаш е потврдено дека повторно е достапна за пребарување на корисниците. Апликацијата била блокирана од страна на Епл поради откриена забранета содржина поврзана со сексуална злоупотреба на деца.

И за крај на денешниот блиц…

Пакистан сака да ги обнови преговорите меѓу Иран и САД

Пакистан ги покани врвните ирански преговарачи да го посетат Исламабад „што е можно поскоро“ за тековните дипломатски напори за повторно започнување на директните разговори со САД. сè уште не е утврден датум или место за продолжување на долго одложуваните директни разговори меѓу двете завојувани страни.

Тоа беше сѐ за денешните блиц вести, за повеќе информации следете нѐ на социјалните мрежи