Премиерот на Бугарија поднесе оставка по протестите, а Лавров тврди дека Русија не е закана за ЕУ и НАТО

Слушате Дневни блиц вести, денес сме петок 12 декември

Жељазков поднесе оставка од премиерската функција

Бугарскиот премиер Росен Жељазков денес поднесе оставка по неколку недели улични протести поради економската политика на владата и за нејзиниот, како што ја обвинуват, неуспех во борбата против корупцијата. Неизвесно е дали ќе опстои коалицијата со ГЕРБ или ќе се оди на нови избори.

Протести во Тирана против корупцијата и сиромаштијата

Во Албанија се одржа протест под мотото „Народот против корупцијата и сиромаштијата“. Стотици граѓани протестираа пред Собранието на Албанија во Тирана, за време на парламентарната седница, на која беше планирано да се одобри и буџетот за 2026 година.

Ердоган: Туркије е посветена на промовирање на мирот и дијалогот

Туркије е посветена на промовирање на мирот и дијалогот, изјави турскиот претседател Реџеп Таип Ердоган во обраќањето на меѓународниот форум во Туркменистан. Тој ги нагласи напорите на турската дипломатија за решавање на воените кризи во Газа и Украина. 

ЕУ ќе ја модернизира европската енергетска мрежа

Европската комисија предложи нов пакет за енергетски мрежи, со кој се превидува модернизација на инфраструктурата. Треба да се. „енергетски патишта“ со што ќе се овозможи ефикасен проток на енергија низ сите земји европски земји, поевтина чиста енергија и зголемување на енергетската независност.

И за крај на денешниот блиц…

Лавров: Русија нема агресивни планови кон ЕУ и НАТО

Рускиот министер за надворешни работи Сергеј Лавров посочи дека нема агресивни планови против членките на НАТО или ЕУ. Русија е подготвена да ги формализира и писмените гаранции што е и цел на претседателот Путин, посочи Лавров по прозивките од генералниот секретар на НАТО Марк Руте. 

Тоа беше сѐ за денешните блиц вести, за повеќе информации следете нѐ на социјалните мрежи