Израелскиот премиер Бенјамин Нетанјаху тврди дека палестинската група Хамас ги прекршила условите од договорот за размена на затвореници со предавање на тело на неидентификувана жена од Газа наместо телото на заложничката Шири Бибас. Toj вети дека Хамас ќе ја плати цената за прекршување на договорот.

Кина го поддржа обидот на американскиот претседател Доналд Трамп да постигне договор со Русија за ставање крај на војната во Украина, на состанокот на Г-20 во Јужна Африка, додека сојузниците на САД застанаа зад украинскиот претседател Володимир Зеленски.

Хавиер Милеи претседателот на Аргентина му подари моторна пила на милијардерот Илон Маск на Конференцијата за политичко дејствување на конзервативците во Вашингтон. Тој често користеше моторна пила како симбол на ветувањето дека ќе ги намали бирократијата, регулативата и непродуктивните трошења во Аргентина.

Американскиот потпретседател Џеј Ди Венс ја бранеше одлуката на претседателот Доналд Трамп да започне преговори со Русија. Според Венс иако некои се зачудени зошто се преговара со Москва, смета дека без Русија не може да се прекине конфликтот и дека време е за мир. 

И за крај на денешниот блиц...

На Сирија со сегашните стапки на раст ќе и бидат потребни над 50 години за да се врати на економското ниво пред разорните акции на Асад. Затоа ОН повикаа на огромни инвестиции во економската обнова, особено на уништената инфраструктура и последиците од санкциите воведени од 2011 година. 

Тоа е се за денешните блиц вести. За повеќе посетете нѐ на macedonian.trtbalkan.com