Путин делумно се согласува со мировниот план на Трамп за Украина, Џинпинг го повика Макрон да придонесе во изградба на мултиполарен свет, турски АСФАТ ќе го извезе првиот воен брод во Романија. Слушате блиц вести на ТРТ Балкан на македонски за четврток 4 Декември.

Путин делумно се согласува со планот на Трамп за прекин на војната во Украина

Рускиот претседател Владимир Путин делумно се согласува со планот на американскиот претседател Доналд Трамп за прекин на војната во Украина.

Според него, планот се базира на договорите од самитот Русија-САД во Алјаска во август.

Тој оцени дека Трамп бара консензус за Украина, но смета дека тоа е тешка задача.

Во интервју за Индија тудеј Путин рече дека Русија ќе ги ослободи Донбас и Новорусија или со воени средства или на друг начин

Џинпинг го повика Макрон да придонесе во изградбата на мултиполарен свет

Кинескиот претседател Си Џинпинг денеска го повика својот француски колега Емануел Макрон да „даде нов придонес кон промовирање на рамноправен и уреден мултиполарен свет“.

Францускиот претседател пак пред средбата во Пекинг изјави дека е подготвен да работи со Кина и останатите партнери на предизвиците како мирот и економското ребалансирање.

Нелегални израелски доселеници нападнаа активисти и странски волонтери во окупираниот Западен Брег

Нелегални израелски доселеници нападнаа активисти и странски волонтери рано утрово во бедуинската заедница Шалал ал-Ауџа, северно од Ерихон во источниот Западен Брег, објавија локалните медиуми.

Група нелегални доселеници од блиските пунктови извршија рација во заедницата и нападнаа активисти и меѓународни поддржувачи кои беа таму за да помогнат во заштитата на палестинските жители, изјави Хасан Млеихат, директор на групата за права на бедуините ал-Бајдар, за официјалната новинска агенција Вафа.

Турски АСФАТ ќе го извезе првиот воен брод во Романија

Турската одбранбена компанија АСФАТ потпиша договор за продажба и достава на домашно развиениот воен брод на Романија, потврдија турски одбранбени извори.

Извозот на воениот брод ТЏГ Акхисар, завршен во 2024 година во бродоградилиштето во Истанбул, го означува првиот извоз на воен брод од Туркије во земја-членка на НАТО и ЕУ.

Трамп ги засили акциите за депортации во Њу Орлеанс и покрај локалното противење

Администрацијата на Трамп објави сеопфатна акција на Службата за имиграција и царина (ИЦЕ) во Њу Орлеанс, Луизијана, што резултираше со апсење на најмалку 25 луѓе.

Министерството за внатрешна безбедност на САД објави дека целта на операцијата „Катахула Кранч“ е да се уапсат 5.000 од најбараните криминалци во градот преку спроведување имиграциски рации.

Тоа беше се за денешните блиц вести. За повеќе информации посетете не на macedonian.trtbalkan.com.