Иран ги отфрли најавите за директни разговори со САД во Катар, Нетанјаху порача дека Израел повторно би го нападнал Иран доколку смета дека е потребно, американскиот потпретседател Џ.Д. Венс тврди дека техничките разговори меѓу Вашингтон и Техеран продолжуваат, премиерот Мицкоски го претстави новиот предлог-состав на Владата.

Слушате Блиц вести на ТРТ Балкан на македонски, денеска е среда 1 јули

Иран нема да се сретне со американските претставници во Катар

Иранските претставници ќе отпатуваат во главниот град на Катар, Доха, но го негираа тврдењето на американскиот претседател Доналд Трамп дека ќе се одржат директни разговори. Катар, исто така, соопшти дека не се планирани состаноци на високо ниво или директни разговори меѓу долгогодишните непријатели. Иранските претставници, исто така, рекоа дека двете страни сè уште не ги решиле условите на прекинот на огнот што го потпишаа пред две недели пред да можат да се справат со потешките прашања, како што се можните ограничувања на нивната нуклеарна програма.

Нетанјаху: Израел пак ќе го нападне Иран ако биде потребно

Израелскиот премиер Бенјамин Нетанјаху денес изјави дека Израел повторно ќе го нападне Иран „доколку биде потребно“, ветувајќи дека Техеран „ќe нема нуклеарно оружје“. „Во Иран се спасивме од атомски бомби“, нагласи Нетанјаху во интервјуто за израелскиот Канал 14. Тој ги даде овие изјави во период кога меморандумот за разбирање меѓу Вашингтон и Техеран, постигнат со посредство на Пакистан, стапи на сила на 18 јуни, откако беше електронски потпишан од иранскиот претседател Масуд Пезешкијан и американскиот претседател Доналд Трамп.

Џ.Д. Венс: Иранското одбивање на директни разговори во Доха е „персиска преговарачка тактика“

Потпретседателот на САД Џ.Д. Венс изјави во вторникот дека јавното одбивање на тековните разговори од страна на Иран претставува намерна „персиска преговарачка тактика“, бидејќи, како што потврди, дека техничките разговори меѓу Вашингтон и Техеран се во тек. „Имаше закажани разговори, навистина технички разговори, кои се темелат на преговорите што веќе ги имавме. Тие дефинитивно се случуваат утре“, рече Венс за време на интервјуто во „Шоуто на Мајкл Ноулс“ што беше објавено во вторник.

Премиерот Мицкоски го соопшти предлог составот на неговиот нов Владин кабинет

Премиерот на Северна Македонија, Христијан Мицкоски, по седницата на Извршниот комитет на ВМРО-ДПМНЕ, го соопшти предлог составот на новиот Владин кабинет по разговорите со коалициските партнери „Вреди“ и ЗНАМ за реконструкција на владата.

И за крај на денешниот блиц…

Мексико и Франција со убедливи победи обезбедија осминафинале на Мундијалот

Франција и Мексико обезбедија пласман во осминафиналето на Светското првенство откако во првата нокаут рунда на Мундијалот славеа против репрезентациите на Шведска, односно Еквадор. Во осминафиналето Франција ќе игра против Парагвај, а Мексико против победникот од мечот Англија-ДР Конго. Репрезентацијата на Франција убедливо со 3:0 ја совлада Шведска на Метлајф стадионот во Њу Џерси.

Тоа е сѐ за денешните блиц вести. За повеќе посетете нѐ на macedonian.trtbalkan.com