Европската комисија ќе претстави привремено решение за превозниците од Западен Балкан, а во Абу Даби продолжуваат преговорите за војната во Украина

Слушате Дневни блиц вести, денес сме среда 4 февруари 

ЕК со привремено решение за превозниците од Западен Балкан

Претставници на сите директорати на Европската комисија и министри на земјите од Западен Балкан потврдија дека решавањето на проблемот со превозниците и професионалните возачи е итно и ќе се бара во рамки на постоечките норми по протестите и блокадите на граничните премини. 

Муцунски: Диверзификацијата е клуч за економската отпорност

Македонскиот министер за надворешни работи Тимчо Муцунски од Светскиот самит за влади во Добаи порача дека во свет во кој непредвидливоста станува новата реалност, диверзификацијата претставува клучна алатка за обезбедување економска отпорност.

Ердоган: Туркије и Саудиска Арабија ќе соработуваат за обнова на Сирија

Туркије ќе продолжи да ја поддржува стабилноста на Сирија и ќе соработува со Саудиска Арабија за нејзина обнова, изјави турскиот претседател Реџеп Таип Ердоган за време на состанокот со саудискиот престолонаследник Мохамед бин Салман во Ријад.

Руте: Ќе распоредиме сили во Украина по мировниот договор

Генералниот секретар на НАТО, Марк Руте, изјави дека непосредно воено присуство од сојузничките сили во Украина може да се очекува штом ќе се постигне мировен договор со Русија, што ќе биде дел од безбедносните гаранции.

И за крај на денешниот блиц…

Продолжуваат преговорите во Абу Даби за крај на војната во Украина

Преговарачите од Украина, Русија и САД ќе се сретнат во Абу Даби за да ги продолжат напнатите разговори за тоа како да се стави крај на речиси четиригодишната војна. Главните пречки се територијалните прашања и поставувањето трупи на линијата на фронтот.

Тоа беше сѐ за денешните блиц вести, за повеќе информации следете нѐ на социјалните мрежи