Филип Лазарини од Обединетите нации предупреди дека Западниот Брег под израелска окупација се претвора во воено поле, каде се прелева конфликтот од Газа. Досега има педесет загинати, меѓу кои и деца, а десетина илјади Палестинци се веќе раселени. 

Украинскиот претседател Владимир Зеленски ќе пристигне во Вашингтон во посета на Белата куќа, каде со претседателот Трамп ќе го потпишат договорот за експлоатација на ретки минерали. Администрацијата на Трамп смета дека потегот е финансиска победа. 

Руската делегација пристигна во Генералниот конзулат на САД во Истанбул на средба на која ќе се разговара за активностите на амбасадата во рамките на нормализацијата на односите меѓу Русија и САД. Туркије од своја страна повтори дека е подготвена да обезбеди секаков вид поддршка на мировните напори.

Палестинските затвореници што ги ослободи Израел беа топло пречекани од нивните семејства и граѓаните во окупираниот град Рамала на Западниот Брег. Автобусот од израелскиот воен затвор „Офер“ пристигна во Палатата на културата во Рамала, придружуван од тимови на Меѓународниот црвен крст.

И за крај на денешниот блиц...

Судот во Босна и Херцеговина го осуди Милорад Додик, лидерот на ентитетот Република Српска, на една година затвор  и шестгодишна забрана за вршење функција поради непочитување на одлуките на високиот претставник во БиХ. Тој побара разговор во Сараево, а на смиреност повика и српскиот претседател Вучиќ.

Тоа е се за денешните блиц вести. За повеќе посетете нѐ на macedonian.trtbalkan.com