САД ставија вето на нацрт резолуцијата за Газа, Зеленски тврди дека Украина спроведува контраофанзива во Донецк, ЕУ разгледува нови санкции против Русија. Слушате блиц вести на ТРТ Балкан на македонски за петок 19 ептември.
САД ставија вето на нацрт-резолуцијата на ОН за прекин на огнот во Газа
САД ставија вето на нацрт-резолуцијата на Советот за безбедност на ОН со која се бараше „итен, безусловен и траен прекин на огнот“ во Појасот Газа.
Нацрт-резолуцијата изразува „сериозна загриженост поради континуираното проширување на воената операција на Израел во Газа и зголемувањето на страдањата на цивилите.
Нацрт-резолуцијата, исто така, го отфрли „секој обид за демографски или територијални промени“ во енклавата.
Заменик-специјалниот претставник на претседателот на САД за Блискиот Исток, Морган Ортагус, рече дека „спротивставувањето на Вашингтон на оваа резолуција нема да биде изненадување“..
Тврдејќи дека нацрт-резолуцијата „не ја признава реалноста на теренот дека има значително зголемување на протокот на хуманитарна помош
Мексико и Канада потпишаа договор за стратешко партнерство
Мексиканската претседателка Клаудија Шајнбаум и канадскиот премиер Марк Карни потпишаа договор за стратешко партнерство, насочен кон продлабочување на економската, безбедносната и еколошката соработка.
Пактот, потпишан во Мексико Сити, беше објавен пред формалниот преглед на трилатералниот договор меѓу САД, Мексико и Канада закажан за 2026 година.
За време на заедничката прес-конференција, двајцата лидери рекоа дека новиот билатерален договор има за цел да го надополни и зајакне трилатералниот договор, а не да го поткопа, поради загриженоста во врска со неодамнешните американски царини
Трамп: Војната во Украина би можела да заврши ако ЕУ ја санкционира Кина
Американскиот претседател Доналд Трамп изјави дека постои можност војната меѓу Русија и Украина да заврши доколку европските земји извршат економски притисок врз Кина.
Во интервју за „Фокс њуз“ последниот ден од неговата посета на Велика Британија, Трамп даде оценка за најновите случувања во врска со војната меѓу Русија и Украина.
Истакнувајќи дека Кина е земјата што увезува најмногу нафта од Русија, Трамп рече дека „војната можеби би завршила“ доколку Европа „воведе санкции или царини кон Кина“.
ЕУ разгледува нови санкции против Русија
Амбасадорите на Европската Унија денес се состануваат за да разговараат за 19-тиот пакет санкции против Русија, кој е одложен бидејќи САД вршат притисок врз Европа да преземе посилна улога во завршувањето на војната во Украина, а можни се и нови ограничувања за гас и визи, објави „Еурактив“.
Европската комисија има за цел да го забрза откажувањето на Европа од руските фосилни горива, а еден функционер изјави за „Еурактив“ дека санкциите се начинот да се постигне тоа.
Зеленски: Украинските сили спроведуваат контраофанзива во Донецк
Претседателот на Украина Володимир Зеленски изјави дека украинските трупи спроведуваат контраофанзива во источниот регион Донецк против руските сили, тврдејќи дека се заробени 100 руски војници.
Во видео обраќање споделено на Телеграм за време на посетата на регионот, Зеленски рече дека се случуваат „жестоки судири“ како дел од тековната „контраофанзивна операција“ во близина на населбите Покровск и Добропиља, два клучни фронта во регионот.
Зеленски не прецизираше кога започнала контраофанзивата, но тврдеше дека украинските сили успеале да нанесат „значајни загуби“ на руската војска и ја спречиле да започне офанзива во областа.
Тоа беше се за денешните блиц вести. За повеќе информации посетете не на macedonian.trtbalkan.com.