Врнежи од снег во поголем дел од државата, Ердоган и Трамп телефонски разговараа за Сирија и Газа, Франција бара вежби на НАТО околу Гренланд. Слушате блиц вести на ТРТ Балкан на македонски за среда 21 јануари.

Врнежи од снег во поголем дел од државата

Низ поголем дел од државата денеска има врнежи од снег. На повеќе места е формирана снежна покривка. Пообилна е во планинските предели. Се очекува врнежите од снегот со различен интензитет да продолжат во текот на денот и постепено да престануваат во текот на вечерта.

Врнежи од снег има и во главниот град. Се очекува до крајот на денот во Скопје да наврнат пет до десет сантиметри снег.

Сообраќајот се одвива по лизгави коловози во  зимски услови, особено на повисоките места и превоите.

Телефонски разговор Ердоган – Трамп за Сирија и Газа

Претседателите на Туркије и САД Реџеп Таип Ердоган и Доналд Трамп телефонски разговараа за случувањата во Сирија и Газа, откако сириската влада објави прекин на огнот по неколкудневните судири, објави Канцеларијата на турскиот претседател.

Туркије нема донесено одлука за тоа дали Ердоган треба да се приклучи на иницијативата на Трамп за Комитетот за мир.

Нетанјаху ја прифати поканата на Трамп да се приклучи на „Одборot за мир“ за Газа

Израелскиот премиер Бенјамин Нетанјаху ја прифати поканата од американскиот претседател Доналд Трамп да се приклучи на предложениот „Одбор за мир“ фокусиран на Газа, објави неговиот Кабинет денес.

Одборот за мир е опишан како иницијатива предводена од Трамп насочена кон решавање на глобалните конфликти, почнувајќи од Газа.

Франција бара вежби на НАТО околу Гренланд

Франција повика на воена вежба на НАТО во Гренланд и изјави дека е „подготвена да придонесе“, соопшти Елисејската палата, додека тензиите растат поради повторените изјави на американскиот претседател Доналд Трамп за преземање на контролата врз арктичкиот остров.

Франција, Данска, Шведска и Германија го зголемуваат своето воено присуство на Гренланд преку вежби и извидувачки мисии, додека Трамп инсистира дека територијата треба да биде „во рацете на САД“ за да се спротивстави на Русија и Кина.

Екс јужнокорејскиот премиер Хан осуден на 23 години затвор

Јужнокорејски суд во среда го осуди поранешниот премиер Хан Дак-су на 23 години затвор за неговата улога во неуспешниот обид за воведување воена состојба за време на администрацијата на соборениот претседател Јун Сук Јеол.

Судот оцени дека Хан имал уставна должност, како премиер, да ги почитува демократските принципи и владеењето на правото, но не го сторил тоа.

Тоа беше се за денешните блиц вести. За повеќе информации следете не на macedonian.trtbalkan.com.