Претседателот на Туркије Ердоган оцени дека самитот на НАТО во Анкара завршил успешно, САД и Германија потпишаа договор за набавка на ракети „Томахавк”, сообраќајот во Ормускиот теснец речиси запре по новите американско-ирански напади. Слушате блиц вести на ТРТ Балкан на македонски за четврток 9 Јули.
Ердоган: Историски успех на самитот на НАТО во Анкара со доминација на одбранбените врски
Турскиот претседател Реџеп Таип Ердоган изјави дека самитот на НАТО во Анкара завршил „успешно“, опишувајќи го како „историски“ собир што ќе помогне во обликувањето на иднината на алијансата во време на зголемени безбедносни предизвици низ евроатлантскиот регион.
Тој рече дека состанокот се случил во критичен момент за евроатлантската безбедност и дека ќе има трајно значење за алијансата. Ердоган рече дека неговиот американски колега, Доналд Трамп, зазел „позитивен пристап“ кон испорака на борбени авиони Ф-35 на Туркије, истовремено велејќи дека американските санкции против Анкара се во голема мера укинати.
Пекинг: НАТО да престане да наоѓа маани кај Кина
Пекинг денеска го повика НАТО да го отфрли она што го нарече „менталитет од Студената војна“ против Кина. НАТО според Кина е регионален сојуз за одбрана со јасно дефиниран опсег на мисија и географски граници и треба да престане да наоѓа маани кај Кина.
Изјавата на портпаролката на кинеското МНР дојде откако генералниот секретар на НАТО, Марк Руте, одржа заеднички состанок со високи претставници на четирите партнери на блокот од Азиско-пацифичкиот регион на маргините на самитот на НАТО во Туркије.
Сообраќајот во Ормускиот Теснец речиси запре по новата размена на американско-ирански напади
Бродскиот сообраќај низ Ормускиот Теснец речиси запре рано утринава, откако новите американски напади врз Иран и повторените напади врз комерцијалните пловила повторно го загрозија пловењето низ Теснецот.
Видливите движења на пловилата во голема мера се концентрирани низ рутата одобрена од Иран, поблиску до северната страна на Теснецот, додека состојбата во коридорот кај Оман поддржан од САД остана мирна, покажуваат податоците за следење на бродовите.
Мерц: САД и Германија потпишаа договор за купување американски ракети „Томахавк”
Германија и САД денеска потпишаа договор за купување американски ракети „Томахавк“, објави канцеларот Фридрих Мерц.
Ова ќе ни помогне да затвориме важен стратешки јаз во нашата одбрана“, рече Мерц во говорот пред парламентот за состојбата со актуелните настани по самитот на НАТО во Анкара.
Индија и Австралија потпишаа договор за ураниум
Индија и Австралија денес потпишаа договор за олеснување на извозот на ураниум, бидејќи двете земји ветија дека ќе ја продлабочат соработката во одбраната и безбедноста.
Ова се случи откако индискиот премиер Нарендра Моди пристигна во Мелбурн, каде што беше примен од австралискиот премиер Ентони Албанезе на самитот на лидерите.
Тоа беше се за денешните блиц вести. За повеќе информации посетете не на macedonian.trtbalkan.com.