Тајани информира за 47 жртви во пожарот во Кран Монтана, а во Јемен продолжуваат тензиите

Слушате Дневни блиц вести, денес сме петок 2 јануари

Тајани: Најмалку 47 загинати, 112 повредени во пожарот во Кран-Монтана

Најмалку 47 лица загинаа, а 112 се повредени откако избувна пожар во преполн бар за време на прославите на Нова Година во швајцарскиот скијачки центар Кран-Монтана, информираше италијанскиот министер за надворешни работи Антонио Тајани.

Бугарија го воведе еврото во услови на протести и политичка неизвесност

Бугарија од почетокот на годината официјално го воведе еврото, станувајќи 21. членка на еврозоната, и покрај распространетите јавни протести, длабоката политичка нестабилност и растечката загриженост поради зголемувањето на цените.

Претседателите на Кина и Јужна Кореја ќе одржат самит во Пекинг

Јужна Кореја објави дека претседателот Ли Џе Мјунг ќе престојува во државна посета на Кина, каде што ќе се сретне со претседателот Ши Џинпинг. За време на средбата со Ши, се очекува Ли да разговара за економската соработка и мировните напори на Корејскиот Полуостров.

Болсонаро по операцијата во болница повторно вратен во затвор

Поранешниот бразилски претседател Жаир Болсонаро е отпуштен од болница по операција на хернија и вратен во затвор во Бразилија, каде што отслужува казна затвор од над 27 години за заговор за државен удар по поразот на претседателските избори во 2022 година.

И за крај на денешниот блиц…

Канбаши: Јеменските сепаратисти да се повлечат или ќе се соочат со воен судир

Гувернерот на јеменската покраина Хадрамаут, Салем Ал-Канбаши, изјави дека сепаратистичкиот Јужен преоден совет (СТЦ) нема друг избор освен целосно да ги повлече силите или да се соочи со воена конфронтација.

Тоа беше сѐ за денешните блиц вести, за повеќе информации следете нѐ на социјалните мрежи