Премиерот Христијан Мицкоски најави дека турската енергетска компанија Казанчи Холдинг ќе гради две гасни централи во инвестиција вредна една милијарда евра. Приклучоците на гасоводна и топловодна мрежа за домаќинствата ќе бидат бесплатни, а цената на природниот гас ќе биде многу пониска од берзанската.

Хамас и Израел за време на средбите во Каиро се договориле како да тече ослободувањето на преостанатите палестински затвореници и останките на израелските заложници. Договорот за прекин на огнот ќе биде спроведен. 

Израел изврши серија воздушни напади на сириска територија што ги потврди министерот за одбрана Кац. Израелската војска изврши упади во Голанската висорамнина, што наиде на осуда од регионот. 

Руското Министерство за одбрана извести дека собориле 128 беспилотни летала на Украина со помош на системите за противвоздушна одбрана. Украина синоќа преку дроновите се обидела да нападне руска територија во повеќе региони. 

И за крај на денешниот блиц...

Украина се согласи на договор за експлоатација на ретки минерали во заедничко претпријатие со САД, а потписот во Вашингтон се очекува да го стави украинскиот претседател Зеленски до крајот на неделата каде е повикан од претседателот Трамп. 

Тоа е се за денешните блиц вести. За повеќе посетете нѐ на macedonian.trtbalkan.com