Преговорите меѓу Русија и Украина ќе продолжат во Абу Дабу, а преминот Рафа во Газа повторно ќе биде отворен

Слушате Дневни блиц вести, денес сме понеделник 26 јануари

Кремљ: Следната рунда преговори ќе се одржи во Абу Даби

Портпаролот на Кремљ, Дмитриј Песков, изјави дека следната рунда мировни преговори меѓу Русија и Украина, со посредство на САД, е планирана за следната недела, повторно во Абу Даби. Иако има одреден напредок се уште е рано за финален договор. 

Јужна Кореја ќе гради два нови нуклеарни реактори

Јужна Кореја објави дека ќе изгради два нови нуклеарни реактори до 2038 година, поради зголемената побарувачка за чиста енергија. Целта е да се намали производството од фосилни горива кое го зголемува загадувањето за што има поддршка од јавноста.

Ердоган: Борбата против терористичката група ДЕАШ се зајакнува

Турскиот претседател Реџеп Таип Ердоган рече дека се зајакнува борбата со  терористичката група ДЕАШ, а корените на секој тероризам во опкружувањето на земјата се искоренети. Ердоган порача дека сепаратизмот и тероризмот на северот на Сирија ќе бидат поразени за задржување на сириската сувереност и поголема безбеденост во регионот. 

Навроцки: Русија ќе остане закана за Европа

Полскиот претседател Карол Навроцки рече дека Русија и нејзините лидери ќе продолжат да претставуваат трајна закана за Централна и Источна Европа, без оглед на промените во политичкиот систем на Москва и затоа регионот мора да ги зголеми трошоците за одбрана и вооружување. 

И за крај на денешниот блиц…

Израел: Преминот Рафа ќе биде отворен, но со ограничувања

Израел се согласил на ограничено повторно отворање на граничниот премин Рафа, како дел мировниот план од 20 точки на американскиот претседател Доналд Трамп за Газа. Израел сепак, ќе има целосна контрола над преминот кој ќе биде отворен само за пешаци.

Тоа беше сѐ за денешните блиц вести, за повеќе информации следете нѐ на социјалните мрежи