Русија и Украина ќе продолжат да разговараат за мировен договор, а кинески Шејн е под европска истрага

Слушате Дневни блиц вести, денес сме среда 18 февруари 

Виткоф: Русија и Украина ќе продолжат да работат за мировен договор

Специјалниот претставник на Соединетите Американски Држави (САД), Стив Виткоф, рече дека Украина и Русија се согласиле да продолжат со преговорите во Женева. Тој не откри повеќе детали за тоа што било разговарано и во кој правец се движат преговорите.

Зеленски: Украина е подготвена брзо да се движи кон достоен мировен договор

Претседателот на Украина, Зеленски, по новата рунда трилатерални мировни преговори изјави дека Киев е решен да ја заврши војната. „Подготвени сме брзо да се движиме кон достоен договор, но прашањето е што сакаат Русите“, рече Зеленски.

НАТО: Туркије е верен сојузник кој придонесува кон заедничката безбедност

Туркије е верен сојузник и придонесува кон заедничката безбедност, изјави портпаролката на НАТО, Алисон Харт. Според неа Туркије ја има втората најголема армија во НАТО и посочи на постојаните инвестиции во безбедноста и робусната одбранбена индустрија, како и доследните придонеси во мисиите, активностите и вежбите на алијансата.

Иран го затвори Ормускиот теснец заради воени вежби

Иран објави дека привремено го затворил Ормускиот теснец за време на воени вежби со боева муниција, додека во Женева се одржува нова рунда индиректни нуклеарни преговори меѓу Иран и САД.

И за крај на денешниот блиц…

Кинескиот онлајн шопинг сервис Шајн е под европска истрага

Европската Унија поведе истражна постапка за кинескиот онлајн шопинг Шајн затоа што пласирал забранети производи на платформата, меѓу кои и детски секс кукли кои потоа биле повлечени од продажба. Ќе се истражува и дизајнот на апликацијата кој создава навики на зависност и недостиг на транспарентност. 

Тоа беше сѐ за денешните блиц вести, за повеќе информации следете нѐ на социјалните мрежи