Трамп го поддржа Договорот од Мека меѓу Туркије, Саудиска Арабија и Пакистан, а Мелони повика на заштита на границите на Европа

Слушате Дневни блиц вести, денес сме понеделник 17 август

Трамп: Многу сум среќен за Договорот од Мека

Американскиот претседател Доналд Трамп го поздрави потпишувањето на Договорот за заедничка одбрана во Мека меѓу Туркије, Пакистан и Саудиска Арабија. Тој смета дека ова е правилен начин за заедничка одбрана на земјите од Блискиот Исток на позначаен начин и дека е многу голем и смел прв чекор. 

Папата Лав XI: Крај на насилството врз Палестинците во Западен Брег

Папата Лав XIV го повтори својот повик за прекин на насилството врз Палестинците на окупираниот Западен Брег и ја повика меѓународната заедница да ги унапреди напорите кон решение за две држави, како единствениот одржлив и правичен пат кон траен мир меѓу Палестина и Израел.

Загинати и на руска и украинска страна по меѓусебните напади

Шест лица загинаа, а четворица се повредени во украински ракетен напад врз село во рускиот Белгородски регион, додека две лица загинаа, а тројца се повредени во руските напади во украинскиот регион Запорожје, соопштија регионалните власти.

Израелски воздушен напад врз либанскиот град Ал-Кантара

Израелски воздушен напад ја таргетираше периферијата на јужниот либански град Ал-Кантара, додека израелската артилерија го гранатираше градот Ал-Мансури во истиот регион, како притисок врз локалното население за поддршката на отпорот. 

И за крај на денешниот блиц…

Мелони: Европа мора да ги заштити границите пред мигрантската криза

Италијанската премиерка Џорџа Мелони изјави дека мигрантската криза во шпанската африканска енклава Сеута ја покажува потребата Европа да ги заштити надворешните граници од неконтролирана имиграција, да ги спречи секој безбедносен ризик и терористичка закана и да ја брани слободата на движење, која е темел на шенгенскиот систем.

Тоа беше сѐ за денешните блиц вести, за повеќе информации следете нѐ на социјалните мрежи