Министерството за здравство во Газа соопшти дека израелските сили привеле четворица палестински пациенти кои требало да бидат префрлени од индонезиската болница на северот на Газа до болницата Ал-Шифа. Транспортот на пациентите бил организиран од Светската здравствена организација. Од 10-те пациенти, четворица се приведени, од кои еден е во критична состојба.

Јужнокорејските истражители бараат судот да издаде налог за апсење на претседателот Јун Сук-Јол што би било историски момент за земјата. Тој на неколку наврати ги одбил повиците да биде сослушан. Јун е суспендиран од функцијата претседател додека трае процедурата за импичмент, а се соочува со обвинение за државен удар и предавство, откако прогласи воена состојба и се обиде да ја презеде контролата над институциите. 

Азербејџан побара одговорност и компензација од Русија по падот на патнички авион како последица на употребата на руски ракетен систем. Претседарателот Илхам Алиев поврди дека авионот на Азербејџан ерлајнс бил оштетен во близина на Грозни на руска територија. Тој рече дека очекува Русија да се соочи со несреќата и ги повика одговорните да платат оштета. 

Џими Картер, поранешниот американски претседател почина на 100-годишна возраст. Картер функцијата ја вршеше во еден мандат од 1977 до 1981 година откако на изборите го победи Џералд Форд. Следните избори ги загуби од републиканскиот кандидат Роналд Реган. По функцијата животот го посвети на хуманитарни активности. Тој е досега најдогловечниот екс претседател во историјата на САД. 

И за крај на денешниот блиц...

Алжирскиот претседател Абделмаџид Тебуне ја повика Франција да се соочи со својата колонијална историја и да ги признае злосторствата во периодот од 1830 до 1962 година додека неговата земја била под француска власт. „Ние го следиме достоинството на нашите предци“, рече Тебуне и посочи дека Алжир не бара парична оштетата, туку само признание.вв

Тоа е се за денешните блиц вести. За повеќе посетете нѐ на macedonian.trtbalkan.com