Претседателот Доналд Трамп повика Украина да одржи избори и претседателот Владимир Зеленски го нарече диктатор. Нивниот јаз се проширува откако Соединетите Американски Држави  се вклучија во мировни преговори со Русија без учество на Киев.

Премиерката на Италија, Џорџија Мелони, му ја нагласи на израелскиот претседател Исак Херцог важноста на одржувањето на прекинот на огнот во Газа. Мелони во премиерската палата Чиги во Рим се сретна со Херцог, кој престојува во официјална посета на Италија.

Илон Маск, висок советник на американскиот претседател Доналд Трамп, го обвини украинскиот претседател Владимир Зеленски за убиство на американски новинар. Тој ја сподели објавата од профил кој тврди дека новинарот Гонзало Лира бил убиен во Украина минатата година поради наводно критиките кон Зеленски.

Претседателот на палестинската управа Махмуд Абас рече дека неговата земја „не е на продажба“ и ги отфрли сите повици за раселување на палестинскиот народ. Тој учествуваше на Самитот на Африканската унија во Адис Абеба, каде го потврди цврстиот став на Палестина.

И за крај на денешниот блиц...

Американскиот сенатор Берни Сандерс тврди дека претседателот Доналд Трамп и американските олигарси се во „отворен сојуз“ со рускиот претседател Владимир Путин и руските олигарси. Тој обвини САД ги напуштаат сојузниците, го поддржуваат авторитаризмот и ги поткопуваат демократските традиции.

Тоа е се за денешните блиц вести. За повеќе посетете нѐ на macedonian.trtbalkan.com