Западното признавање на Палестина предизвика бурни реакции во Израел, додека турскиот претседател Ердоган ќе се обрати на конференција на високо ниво во ОН. Трамп најави план за преземање на TikTok со поддршка од технолошки и медиумски гиганти, а фестивалот ТЕKНОФЕСТ во Туркије собра над еден милион посетители.

Слушате Блиц вести на ТРТ Балкан на македонски, денеска е понеделник, 22 септември

Тел Авив огорчен од признавањето на Палестина од Британија, Канада и Австралија

Западното признавање на палестинската државност предизвика негодување низ Израел во неделата, а владините министри повикаа на анексија на окупираниот Западен Брег како одмазда. Велика Британија, Канада и Австралија ја признаа државата Палестина во неделата, потег што се смета за дипломатски притисок за решение со две држави за палестинско-израелскиот конфликт. Во соопштението, израелското Министерство за надворешни работи го нарече признавањето „ништо повеќе од награда за џихадистичкиот Хамас“.

Ердоган ќе се обрати на конференција на високо ниво во ОН за палестинската државност

Турскиот претседател Реџеп Таип Ердоган ќе се обрати на конференција на високо ниво за палестинската државност на Генералното собрание на Обединетите нации во Њујорк во понеделник. Конференцијата, спонзорирана од Франција и Саудиска Арабија, ќе се обиде да го оживее долгоодложуваното решение со две држави, една израелска и една палестинска, кои коегзистираат во рамките на безбедни и признати граници.

Португалија официјално ја призна државата Палестина

Португалија официјално ја призна државата Палестина, објави министерот за надворешни работи на земјата во Њујорк во неделата.Министерот за надворешни работи на Португалија, Пауло Рангел, го објави формалното признавање на Палестина од страна на неговата земја во Постојаната мисија на Португалија во Њујорк, објави државниот радиодифузер РТП.

Трамп ги именува технолошките и медиумските гиганти во планот за американското преземање на TikTok

Претседателот на САД, Доналд Трамп, изјави во неделата дека истакнати технолошки и медиумски лидери, вклучувајќи го основачот на Oracle, Лари Елисон, извршниот директор на Dell Technologies, Мајкл Дел, и раководителите на Fox Corp., Руперт и Лахлан Мардок, ќе се приклучат на конзорциумот што треба да ги преземе американските операции на TikTok.

И за крај на денешниот блиц...

Фестивалот за технологија TEKНОФЕСТ во Туркије привлече над 1 милион посетители

Најголемиот фестивал за технологија, авијација и вселена во Туркије TEКНОФЕСТ привлече 1,03 милиони посетители оваа недела во Истанбул, соопштија организаторите на турската социјална платформа НСосијал (NSosyal). Петдневниот настан на аеродромот Ататурк, кој започна минатата среда, беше организиран од Фондацијата на Турскиот технолошки тим (Т3) и Министерството за индустрија и технологија.

Тоа е сѐ за денешните блиц вести. За повеќе посетете нѐ на macedonian.trtbalkan.com