Зеленски бара зголемен меѓународен притисок врз Русија за крај на војната во Украина, Израел го гранатираше Рафа и покрај прекинот на огнот, австралискиот премиер се извини за пукањето на плажата Бонди. Слушате Блиц вести на ТРТ Балкан на македонски за понеделник 22 декември.

Зеленски: Војната нема да заврши ако не се зголеми притисокот врз Русија

Украинскиот претседател Володимир Зеленски вчера изјави дека војната против Украина нема да заврши освен ако меѓународната заедница не го зголеми притисокот врз Русија, наведувајќи ги континуираните напади и напорите за нарушување на украинската поморска логистика.

Во видео порака објавена на социјалните мрежи, Зеленски рече дека Русија се обидува да го блокира пристапот на Украина до морските патишта.

Руски генерал убиен во експлозија во Москва

Висок генерал е ликвидиран во експлозија на автомобил во Москва рано наутро, соопшти Истражниот комитет на Русија.

Комитетот соопшти дека генерал-полковник Фанил Сарваров, началник на Одделот за оперативна обука на рускиот Генералштаб, починал од повредите предизвикани од експлозијата.

„Според истражителите експлозивна направа поставена под дното на автомобил била детонирана на улицата Јасеневаја во Москва“, се вели во соопштението.

Австралискиот премиер се извини за пукањето на плажата Бонди и вети „широки“ реформи

Австралискиот премиер Ентони Албанезе денеска јавно се извини за неодамнешното пукање на плажата Бонди и најави широки реформи.

Албанезе најави серија законски предлози насочени кон зајакнување на заштитата од злосторства од омраза и екстремистички активности, нагласувајќи широки консултации со двете заедници и Парламентот.

Пелегрини: Без проширувањето Западен Балкан ќе ја изгуби довербата во ЕУ

Словачкиот претседател Петер Пелегрини во Белград предупреди дека понатамошните одложувања од страна на Европската Унија во процесот на проширување би можеле да доведат до губење на довербата кај граѓаните на Западен Балкан во членството во ЕУ.

Обаќајќи се по средбата со српскиот претседател Александар Вучиќ, Пелегрини рече дека одложувањето на Брисел би можело да резултира со откажување на жителите на регионот од европската перспектива.

Израелската армија  го гранатираше Рафа и покрај прекинот на огнот

Израелската армија денеска го нападна јужниот дел од Појасот Газа и напредуваше во бегалски камп во централна Газа, кршејќи го договорот за прекин на огнот.

Локални извори изјавија дека израелските воени авиони започнале воздушни напади врз неколку области во Рафа, на југ, истовремено со артилериско гранатирање и пукање од воени возила во северните делови на градот.

Тоа беше се за денешните блиц вести. За повеќе информации посетете не на macedonian.trtbalkan.com.