Странците доаѓаат тука да уживаат во убавините на Скопје, а се воодушевуваат од гостопримството и интересните приказни кои зборуваат за историјата на градот. Градскиот плоштад и централното јадро на градот, спомениците, Старата скопска чаршија, кањонот Матка, вкусната храна, срдечните луѓе… се само дел од разновидната туристичка понуда која ги привлекува туристите во Скопје. Сепак, преовладува мислењето дека сѐ уште не е доволно искористен туристичкиот потенцијал на метрополата, а повеќе од неопходни се и вложувањата во ифраструктурата на градот и негово подобро поврзување со внатрешноста.